WOWBatangas.com Your Source of Great News and Stories from the Province of Batangas, Philippines
Related Articles
Women and children are considered the more ‘fragile’ members of the society. Republic Act 7610 protects children from any form of abuse; Republic Act 9262 safeguards women against violence; Republic Act 9208 shields an individual from human-trafficking.
While the government and social action groups continue to condemn human trafficking and violence against women and children, people who get involved with such mistreatments should vividly learn their rights. When they know they are protected, they should have the courage to speak up before it’s too late.
Below is the press release from PIO-Batangas of the recently concluded Walk for Life event held in Lipa City.
PROVINCIAL INFORMATION OFFICE
NEWS ITEM
December 16, 2010
Human Trafficking at pang-aabuso sa kababaihan at kabataan kinondena sa Batangas
Lipa City – Sa ikatlong pagkakataon, nagkaisa ang mga Batangueño na muling manindigan laban sa human trafficking at violence against women and children sa pamamagitan ng sama-samang paglalakad o Walk For Life noong ika-15 ng Disyembre 2010.
Ang Walk for Life ay sinimulan sa isang banal na misa na pinamunuan ni Archbishop Ramon Arguelles at Msgr. Boy Oriondo. Dinaluhan ito ng mga convener na pinangunahan ng Visayan Forum, McKinley Hill International School and Leadership Academy for Children, Lipa City Colleges, Kolehiyo ng Lungsod ng Lipa, Lyceum of the Philippines University Batangas, Philippine National Police, Philippine Air Force at Department of Social Welfare and Development Office.
Agad sinundan ang misa ng unity walk kasama sina Batangas Governor Vilma Santos-Recto, Lipa City Mayor Meynard Sabili, United States Embassy Assistant for Attaché Homeland Security Juan Adames, Visayan Forum President and Executive Director Cecille Perez-Oebanda at Pastoral Council ng Archdiocese of Lipa na sumisimbolo sa paglaban at pagkondena sa di makataong pagtrato sa mga kababaihan at kabataan.
Sa paglahok ng lalawigan ng Batangas sa taunang aktibidad na ito na sinumulan noong 2007, lalo nitong pinagtibay ang posisyon nito na labanan ang human trafficking, forced labor at involuntary servitude sa mga kababaihan at kabataan.
Ipinagbigay-alam ni Governor Vi sa harap ng mga convenors ang kanyang pagbibigay ng direktiba sa Provincial Social Welfare and Development Office na magtayo ng bagong Batangas Reception Center sa 2011 (BRAC) na mangangalaga sa mga inaabusong kasambahay partikular ang kababaihan at kabataan.
Ang reception center ang magsisilbing pansamantalang tahanan ng mga kababaihan at kabataan kung saan sasailalim sila sa guidance counselling at livelihood trainings.
Paiigtingin din ng Provincial Government ang kanilang assistance at pakikipag ugnayan sa mga NGOs partikular sa Visayan Forum Foundation at law enforcement agencies upang sugpuin ang human trafficking na tahasang nagaganap sa Batangas Port.
Ang pagtutulungang ito ng mga kinauukulan sa Batangas na seryosong labanan ang human trafficking ay binigyang pansin at umani ng komendasyon mula sa U.S. Embassy. Sinabi ni Asst. Attaché for Homeland Security Juan Adames na bukas ang kanilang tanggapan na tugunan ang mga reklamo at mga pang-aabusong may kaugnayan sa illegal human trade sa lalawigan ng Batangas. /Edwin V. Zabarte/PIO-Batangas
