WOWBatangas.com Your Source of Great News and Stories from the Province of Batangas, Philippines
Related Articles
Bata pa laang ay kinakitaan na ng husay sa pag gawa ng likhang sining ang batang si Paul Erick Danao ng kanyang mga guro.
At sa kanyang paglaki, ang labing-pitong gulang na Senior High School Student mula sa Sto. Tomas, Batangas ay mas nalinang sa kanyang pagguhit at ginamit ito para kumita sa panahon ng pandemya.
Nagsimula siya sa pagtanggap ng mga commissioned portraits para makatulong sa pangangailangang pinansyal ng kanyang pamilya nitong panahon ng pandemya.
At nito lamang Enero, marami ang humanga sa mala two-dimentional comic book design ng isang restaurant (Big Tummy Food House) sa Malvar, Batangas na isa sa obra ni Paul. Aniya, ito ang unang beses na gumawa sya ng mural at ang inspirasyon nya ay ang mga coloring books ng kanyang pamangkin.
“Para sakin po nais ko pong ang artworks ko ay magsilbing inspirasyon sa iba, lalo na po sa mga bata upang ipagpatuloy ang kanilang passion.”
– Paul Erick Danao
Sa kasalukuyan ay patuloy pa din ang pagtanggap niya ng mga commission artworks para makatulong sa gastusin ng kanyang pamilya kasabay ng kanyang pag aaral.
