WOWBatangas.com Your Source of Great News and Stories from the Province of Batangas, Philippines
Related Articles
Bagaman hindi gaanong sumisilip ang haring araw ng mga nakaraang linggo, amin pa ring sinubukang maglagalag sa bayan ng San Juan upang puntahan ang kanilang magagandang tanawin at mga produkto.
Ilan sa mga barangay na aming naulian ay ang Barangay Nagsaulay kung saan matatanawan mo ang magandang Bukang-Liwayway at ang mga bangkang gamit sa pangingisda habang nag iintay na tumaas ang tubig sa dalampasigan at mga naglalakihang mga mangroves.
At dahil manaka-naka ang pag ulan ay naabutan din namin ang mga magtatanim ng palay sa Brgy Abung, San Juan, Batangas na sinasamantala ang pagbuhos ng ulan ng mga nakaraan araw. Mas madali daw kasi ang magtanim kapag bahagyan naulanan na ang mga lupa nilang sinasakahan.
At ang aming huling tinunghayan ay ang proseso ng pag gagawa ng palayok at paso sa Brgy. Palahanan, San Juan, Batangas.
Tingnan mo dine sa link ang pinakaunang Vlog ng WOWBatangas kung saan tampok ang proseso ng paggawa ng palayok:
WOWBatangas Vlog Ep 1 : San Juan Batangas
Larawan ni Joel Mataro, Edison Manalo, Jeremy Mendoza, Jonathan Onte.
