Breaking News

Museo ni Apolinario Mabini at ang Pagdiriwang ng Kanyang ika-150ng Kaarawan

[imagebrowser id=52]

Brgy. Talaga, Tanauan City, Batangas – Kaninang umaga, gaano man kalakas ang ulan at hangin dahil sa habagat, ay tuluyang binuksan muli sa publiko ang Museo ni Apolinario Mabini, ang kanang-kamay ni Emilio Aguinaldo at kilala bilang “Utak ng Himagsikan”.

Sa pangunguna ng National Historical Commission of the Philippines at sa tulong ng Lungsod ng Tanauan, ang dating nasisira ng gusali ay ginawang moderno na ngayon at magbibigay sa lahat ng pupunta rito ng pangkalahatang kaalaman sa buhay ng isa sa mga sikat nating bayaning Batangueno.

Sinimulan ang programa ng Punonglungsod ng Tanauan na si Antonio Halili, at sunod namang nagsalita ang Pangulo ng Pilipinas na si Benigno Aquino III.

Dinaluhan ang pagdiriwang na ito ng mga Mayor ng Batangas, mga kawani ng Kapitolyo ng Batangas, Sangguniang Panlalawigan sa pangunguna ni Vice Gov. Mark Leviste, mga kawani ng Pambansang Pamahalaan, mga kawani, guro at estudyante ng Lungsod ng Tanauan, at iba pang mga bisita mula sa lalawigan.

Pagpasok mo pa lamang sa mismong Museo ni Mabini ay mapapansin mong makabago, makulay at maganda na ang presentasyon ng mga datos at mga gamit patungkol kay Ka Pule. Maluwag, maliwanag rin at malamig sa loob, hindi gaya ng mga datihan ng museo.

Kapag humupa-hupa na ang ulan, magtungo na kayo sa pinakabagong museo ng Pilipinas at narito lang yan sa Batangas.

About Publisher

JR Cantos is the Publisher of WOWBatangas.com. Some of the articles here on the website have been contributed over the years, so please just email us at help (at) wowbatangas.com if you have any concerns. Salamat!

Check Also

Batangas House Expo 2024 : Where your Batangas Home Journey Starts

Take a peek at your future home at Batangas House Expo – an exclusive showcase …

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.