WOWBatangas.com Your Source of Great News and Stories from the Province of Batangas, Philippines
Related Articles
Merong kumikitang kabuhayan sa paligid ng lawa na bukod sa nakakatulong sa pagpapanatili ng kalinisan ng kapaligiran ay nagbibigay ng pagkakataon sa mga tao na kumita habang sila ay nasa bahay.
Kilalanin si Airam, isang masipag na ina na nakatira sa paligid ng lawa ng Taal at merong alternatibong hanap buhay. Tinitipon nila ang malaking plastic na sisidlan ng mga feeds o pakain sa mga Tilapia. Kanila itong huhugasan ng walang sabon sa lawa, hanggang sa pumuti sa kalinisan. Matapos hugasan ay isinasampay at ibibilad sa araw ito sa kanilang lugar at maya’t-mayang iwawasiwas sa hangin. Papatuyuin ng husto sa loob ng tatlong araw. Kapag natuyo na ay titiklupin at dadalhin sa isang negosyante upang matimbang at binibili ng anim na piso kada kilo.
Ang plastic na ito ay tinutunaw para mapakinabangan muli at ginagawang kagamitan sa pang-araw-araw na gamit sa bahay tulda ng tabo, batya, hanger at marami pang iba. Kapag tuloy-tuloy ay maaring kumita si Airam ng humigit apat-libo kada buwan.
Sadya namang napapanatili ang ganda ng lawa sa pagtitipon ng mga plastic bags na ginagamit na sisidlan ng mga Fish Feeds, pero sana yung mga nadayo sa kagandahan nito ay iwasan ang pagtatapon ng mga bottled water sa lawa.
Joel Mataro | WOWBatangas
Talisay, Batangas
