WOWBatangas.com Your Source of Great News and Stories from the Province of Batangas, Philippines
Related Articles
Isa sa mga simbolo ng Paskong Pilipino ang parol. Christmas lantern sa Ingles, ang parol ay literal na ‘star’ ng kapaskuhan.
Noong isang linggo, may napadaang nagbebenta ng parol. Yung gawa sa makikintab at makukulay na palara na binibenta sa halagang P15 o P20. Yung mga madalas dinadala ng mga estudyante kapag December na at sinabi ng teacher na magde-decorate na ng classroom.
Iba’t ibang klase ng parol ang makikita natin sa iba’t ibang lugar sa Pilipinas tuwing panahon ng Pasko. Alin sa mga ito ang meron kayo?
Parol na gawa sa plastik. Ito ang madalas nating makita na nakasabit sa mga poste at arko sa mga barangay. Dahil matibay at kahit ulanin ay ayos lang.
Parol na gawa sa makukulay na palara o tinsel. Favorite ko ‘to. Simple ang gawa (medyo mahuna kung hindi ilalagay sa maayos na pagsasabitan) pero dahil makulay ‘to at may glimmering effect pag tinatamaan ng sikat ng araw, para na rin silang kumukutitap na Christmas lights.
Parol na gawa sa capiz at may makukulay na bumbilya. Ito ang parol ng mga may malaking budget. Yung regular size nasa P2,000 mahigit na dahil capiz ang gamit at mas madetalye o mas kumplikado ang designs nitong mga ‘to plus yung mga bumbilya pa.
Parol na gawa sa recycled o kaya indigenous materials. Ito yung mga gawa sa tansan, lata, plastic bottles, straw o kaya sa abaca, bunot o bulaklak ng niyog, at iba pa.
Parol na gawa sa cellophane. Indoor parol din ang klaseng ito. Pag nabasa ng ulan, mangungupas ang kulay. Pag masyadong naarawan, baka mabutas.
Sa lahat ng parol na nakikita ko sa lugar namin, amin ang kakaiba at pinakamalaki. Haha. Annual project yun ng tatay ko. Ang parol na gawa sa pylon fabric (see last photo insert). Kahit maulanan, matibay pa rin.
Kayo, anong klaseng parol ang meron kayo sa bahay nyo?
Photos:
mediciomnesduciens1982.blogspot.com
travellingartist.wordpress.com
catholicfaithdefender.wordpress.com
chatterlounge.blogspot.com
bayanihancc.org
