Announcement: Curfew sa Lipa na ipatutupad ngayong ika 2 ng Hunyo, 2016

 Simula ngayong gabi, ika- 2 ng Hunyo ay mahigpit nang ipatutupad ang Curfew sa buong Lungsod ng Lipa mula Alas 11 ng gabi hanggang alas 4 ng umaga para sa mga kabataang nasa edad 18 pababa.

Bilang pakikiisa sa ating bagong Presidente Rody Duterte, ito ay tatawaging “Oplan Duterte”o ang Rid the street Of Drinkers, and Youth. Ito ay sa ilalim ng General Ordinance No. 1, Series of 2003.

Ang mga kabataang lalabag at mahuhuli sa unang beses ay agad dadalhin sa PNP Lipa Station para sa record at saka iti-Turn over sa Barangay. Sa pangalawang pagkakataon na ito ay mahuli ay kailangan nang magsagawa ng isang Community Service ang nahuli at magmumulta ng P200.00. Sa pangatlong pagkakataon naman ng pagkakahuli ay isang Community Service na tatagal ng anim (6) na oras at multang P500.00.
Ang mga hindi susunod sa mga itinakdang parusa ay maaring makasuhan.

Kaya naman pinaaalalahanan ang mga magulang na pagbawalan ang kanilang mga anak na wala pa sa tamang gulang na lumabas sa itinakdang mga oras.