Diksyunaryong Batangueño

Sakol: (sah-kol) Kahulugan: Pandiwa: kumain gamit ang kamay, Halimbawa ng pangungusap: ““Ay dine sa Batangas ay sanay ang taong kumain ng nakasakol.” “Napilitang magsakol ang mga bisita dahil naiwan ang mga kubyestos sa bahay.”

Umay: (oo-mai) Kahulugan: Pandiwa: sawa, nanawa Halimbawa ng pangungusap: “Wariko’y umay sa karne ang mga tao makatapos ng bagong taon.” “Nakakaumay na ang paulit-ulit mong pagbalewala sa akin.”

Yakag: (yah-kahg) Kahulugan: Pandiwa: imbitahan, isama Halimbawa ng pangungusap: “Di na alam kung saan dadalhin ang paa dahil sa kaliwa’t kanang yakag ng barkada.” “Yakage dine ang mga kahanggan at dine na kamo mananghalian.”

Wire-Wire: (wih-reh-wih-reh) Kahulugan: Pang-Uri: Malabo, Magulo Halimbawa ng pangungusap: “Wire-wire ngay’on ang aming telebisyon dahil sa malakas na ulang iyon” “Kainaman ang sulat dine sa aking resita, ay wire-wire eh!”

Utas: (oo-tahs) Kahulugan: Pandiwa: Namatay Pang-Abay: ginagamit sa bilang eksaherasyon, gulat, surpresa, sobrang pagtawa. Minsan nang naintriga ang Artistang si Anne Curtis sa salitang ito: Halimbawa ng pangungusap: “Utas sa pagtawa ang batang are ih!” “Mauutas ka sa kalokohan mo eh!”