WOWBatangas.com Your Source of Great News and Stories from the Province of Batangas, Philippines
Related Articles
Nagtipon-tipon ang mga kasalukuyan at alumni na miyembro ng Lipa Ballet School Inc kahapon, ika-02 ng Hunyo, 2018 sa Canossa Academy Gym para sa ika-sampung anibersaryo ng nasabing iskwelahan. Ang “The Nutcracker” ay ang pinakaunang recital noon ng Lipa Ballet Academy kaya naman ito rin ang kanilang napiling maagang pamaskong handog sa mga Lipeño upang muling balikan ang simpleng simula noon ng Lipa Ballet Academy.
Ito ay pinangunahan ng batikang Artistic Director; Gregory Aaron ng Ballet Center Cebu at Girlie Royeca ng Royeca Ballet ng Davao at Gensan kaya naman world-class ang produksyon nito mula sa musika, stage design, costumes, props, lights at ang mismong performance at mga artist.
Ilan sa mga lead performers ay sina Darius Dignos bilang The Nutcracker Prince, Christopher Niño Royeca bilang Drosselmeyer at Cavalier, Sophia Daval-Santos bilang Young Clara, Niña Moira De Castro bilang Clara at Michaela Cyril De Casto bilang The Sugar Plum Fairy.
