WOWBatangas.com Your Source of Great News and Stories from the Province of Batangas, Philippines
Related Articles
Muling tinipon ng First Asia Institute of Technology and Humanities ang kanilang mga katuwang sa iba’t ibang sector ng industriya pamula sa LGU’s, Hospital, Kapulisan, Foundations, Army, Lokal at National Media, Edukasyon, Companies atbp upang bigyang pasasalamat sa pagtulong sa mga misyon at mga layunin ng FAITH .
Dito ay ipinakita ang mga kasalukuyang estado ng mga proyekto nilang sinimulan ng mga nakaraang taon at ang mga bagong proyektong kanilang sinimulan ngayong taon sa iba’t ibang sector tulad ng turismo, edukasyon, teknolohiya at iba.
Naroon sa nasabing programa si Ginoong Saturnino G Belen | Presidente (FAITH), Dr. Maria Rosario B Cesario | Senior Vice President, Basic Education Schools/Student Life & Student Services, Dr. Lalaine V Manalo | Senior Vice President, Academics and Research, Rosalida M Landicho | Vice President, Institutional Marketing and Corporate Communications at Juan P Lozano | Executive Vice President.
Ilan sa highlights ng Partners Appreciation Day ang pag-welcome sa Tokyo Medical University na bagong partner ng FAITH sa larangan ng medisina at ang pagbibigay pugay sa siyam (9) na miyembro ng Tanauan Softbelles na kamakailan lamang ay nagbigay karangalan sa buong Pilipinas. Ang mga batang ito ay pawing mga scholars ng FAITH.
