WOWBatangas.com Your Source of Great News and Stories from the Province of Batangas, Philippines
Related Articles
Isa sa mga magandang puntahan dine sa Lalawigan ng Batangas ay ang Baywalk ng San Nicolas, Batangas. Kung saan iyong matatanaw ang Bulkang Taal kasabay ng malamig at preskong simoy ng hangin dine.
At sa aming pamamasyal nito lamang linggo ay nakilala namin ang isang lokal na si Adrian Reyes, isang maglalako ng Bukayo (Isang Filipino Sweet Delicacy) sa nasabing Bay walk.
Ang Bukayo ay isang Panghimagas na nag umpisa sa Lingayen. Ito ay gawa sa pinakulo at binurong kinayod na laman ng buko at sabaw nito hanggang sa ito’y lumagkit bago hulmahin sa pabilog ng hugis at pinahihinga hanggang sa tumigas at handa nang kainin.
Mula sa: www.angsarap.net/2013/01/16/bukayo/ ni Raymund | Isinalin sa wikang Filipino ni Sid Dasalla
Kinasanayan na natin ang bilog na hugis ng Bukayo kung kaya naman kami ay namangha sa klase ng inilalakong Bukayo ni Adrian, kung saan ito ay nakalagay sa isang kahon gawa sa pinatuyong dahon ng saging na mayroong 9 (siyam) na pirasong laman na binukod gamit ang kapiraso ding dahon ng saging at para sa mas masarap na lasa ay may kasama itong langka na siyang nag tatanggal ng umay at
pang bawas ng tamis nito.
Sobrang sarap at tunay nga namang nakakatutuwa itong kainin!
Matamis ngunit hindi nakakaumay!
Kung kaya, sakaling mapapadaan kayo sa Bay Walk ng San Nicolas, tikman niyo ang Bukayong ito. Mura na masarap pa!
Sinulat at sinaliksik ni: Sid Dasalla
