Executive Legislative Agenda Pinagtibay ng Pamahalaang Panlalawigan ng Batangas

Ang pagpapatibay ng ELA ay pinangunahan ni Batangas Governor Vilma Santos Recto noong ika-9 ng Setyembre 2010 na kinatampukan ng Alliance Building Forum kaharap ang mga Punong bayan ng lalawigan at mga kinatawan opisyal ng ibat-ibang national government agencies mula sa region 4-A (CALABARZON).

Naging tampok sa pagtitipon ang paglagda sa pledge of commitment and support mula sa Sangguniang Panlalawigan at ibat-ibang ahensya nasyunal para sa ELA na naglalayong pag-ibayuhin ang serbisyo publiko na kinapapalooban ng 5 mahahalagang sector tulad ng administratibo, ekonomiya, pangkalikasan at kapaligiran at panlipunan.

Nagkaroon din ng pagkakataon ng makapagbigay at makapagbahagi ng kanilang programa ang mga regional agency representatives sa harap ng mga kinatawan ng pamahalaang panlalawigan ng kanilang program na direktang makakatuwang at tutulong sa pagsulong ng epektibong layunin ng Pamahalaang lalawigan ng pinag-ibayong ELA.

Nagkaroon din ng pag paglalatag at pagpapahayag ng mga programang naisagawa at naihatid na ng pamahalaang lalawigan sa publiko.

Ang Executive Legislative Agenda ay binalangkas noong Agosto na nagnanais na mapalakas at mapagtibay ang mga programa ng pamahalaang panlalawigan sa pamamagitan ng pagbibigay sa mga departamento nito ng kapasisdad at karagdagang kaalaman sa pagsusulong ng programang pangkaunlaran kaakibat ang mga hakbang leheslatibo na kaakibat nito.

Sa kanyang mensahe pinasalamatan ni Governor Vilma Santos-Recto ang mga Mayors at kinatawan ng Regional Agencies na binubuo ng sektor ng Edukasyon, Kalusugan, Agrikultura, Transportasyon, Kalakalan, Katarungan at Karapatan ganun din sa Batas at Seguridad.