Museo ni Heneral Miguel Malvar sa Sto. Tomas, Batangas

Lead Editor July 13, 2015 Leave a comment 3,944 Views

Noong ika-13 ng Hulyo, 2015 ay pormal nang binuksan sa publiko ang Museo ni Heneral Miguel Malvar sa Sto. Tomas, Batangas sa pangunguna ng mga panauhing pandangal na si Sec. Virgilio delos Reyes ng Department of Agrarian Reform (DAR) at National Historical Commission of the Philippines Chairman Serena Diokno.

Dinaluhan ito ng ilan sa mga opisyal ng pamahalaan ng Batangas at gayun din ang mga kamag anak ni Heneral Miguel Malvar.

Interactive ang karamihan sa mga display na naroon gaya na lamang ng mga komiks tungkol sa buhay ni Heneral Malvar, Audio-Visual presentation ng kwento ng kanyang kabayanihan at ilang painting at memorabilia na koleksyon pa ng kaniyang mga kamag-anak. Masining na pagkukwento ng buhay ng bayani ang makikita sa museo kaya siguradong ikatutuwa ito ng mga estudyante na nais pumunta dito.

Tampok rin ang mga likhang sining mula sa kape sa Coffee Art Painting Exhibit na likha ng mga kabatangas Tomasino. Inaasahan daragsa pa ang maraming bisita sapagkat ito’y bukas sa sino mang gustong pumunta at tunghayan ang mga loob ng museo.

Ipinatayo din ito bilang pagpupugay sa ika-150 taong kaarawan ng Bayaning Tomasino.